北角和富薈💕潮州粉麵檔"潮周人"

北角和富薈美食廣場原來臥虎藏龍，環境佈置得相當夢幻，以異國風情為主題，天花板有好多土耳其玻璃吊燈，無論牆壁地板定座椅都有色彩繽紛圖案，用餐環境咁舒服，一於叫碗潮州粉麵坐低舒服咁食～呢間潮周人粉麵店提供多款粉麵飯，牛湯類、雞湯類咖喱類、滷水類，應有盡有💕 牛丸河 發現原來份量都幾大，非常大碗～湯底清清爽爽唔會太厚重，河粉入口滑溜，條條分明唔易斷，牛丸入口爽口有嚼勁，好容易令人一啖接著一啖停唔到。建議先襯熱飲啖湯試味，食啖牛丸，再將河粉連湯同食，每啖都品嚐到當中嘅精華✨ 咖喱牛坑腩😋😋 濃郁嘅咖喱色澤金黃充滿食慾！牛坑腩炆得幾淋下，軟嫩得嚟唔會起渣，仲帶有陣陣油香，仲唔會因為咖哩味太濃而掩蓋牛味，配上吸滿咖哩汁嘅薯仔，用嚟撈飯一流，非常好味🙆🏻‍♀️另外我哋加碟菜心，嫩綠多汁而且質地柔軟，一眼就感受到佢嘅新鮮，唔錯～ #hkig #香港好去處 #hkfood #牛腩 #hkfoodie #美食廣場 #hkfoodblogger #潮洲菜 #食好西 #湯河 #美食日記 #foodpics #和富 #hkfoodstagram #hkfoodlover #852food #美食好推薦 #潮周人粉麵店 #潮周人 (此文章由U Blog 同步發佈至社群)